როგორ მივიღოთ მშენებლობის ნებართვა?

როგორ მივიღოთ მშენებლობის ნებართვა თბილისში?

სრული გზამკვლევი 2026 წლისთვის

მშენებლობის დაწყება ამაღელვებელი პროცესია, თუმცა პირველი და ყველაზე მნიშვნელოვანი ეტაპი — მშენებლობის ნებართვის მოპოვება — ხშირად ასოცირდება რთულ ბიუროკრატიასთან. თბილისის მერიის არქიტექტურის სამსახურთან ურთიერთობა გარკვეულ ცოდნასა და სიზუსტეს მოითხოვს.

ამ სტატიაში IDEARCH GROUP-ის გუნდი დეტალურად აგიხსნით, რა ეტაპების გავლა მოგიწევთ და როგორ დაზოგოთ დრო პროფესიონალური დაგეგმარებით.

1. მშენებლობის კლასის განსაზღვრა

სანამ პროექტირებაზე გადახვალთ, უნდა ვიცოდეთ, რა კლასის მშენებლობასთან გვაქვს საქმე. საქართველოში შენობები იყოფა 5 კლასად, თუმცა კერძო სექტორში ყველაზე გავრცელებულია:

II კლასი: ინდივიდუალური საცხოვრებელი სახლები (60 კვ.მ-დან 300-(თბილისში 500 კვმ) კვ.მ-მდე).

III კლასი: შედარებით დიდი ობიექტები მრავალფუნქციური შენობები, სავაჭრო ობიექტები, საზოგადოებრივი შენობანაგებობები და მრავალბინიანი საცხოვრებელი სახლები.

2. ნებართვის მიღების სამი ძირითადი ეტაპი

თბილისში მშენებლობის ნებართვის პროცესი, როგორც წესი, სამფაზიანია:

I ეტაპი: მიწის ნაკვეთის სამშენებლოდ გამოყენების პირობების დადგენა (გაპ)

ეს არის პირველადი დასტური მერიისგან, რომ თქვენს ნაკვეთზე მშენებლობა საერთოდ დასაშვებია. ამ დროს დგინდება კოეფიციენტები (კ-1, კ-2, კ-3) და განაშენიანების პარამეტრები. შენობის განთავსების არეალი სიმაღლის განმსაზღვრელი სხივისა და უკანა ეზოს ადგილები.

II ეტაპი: არქიტექტურული პროექტის, კონსტრუქციული სქემის სახანძრო უსაფრთხოების, საინჟინრო კომუნიკაციების , გეოლოგიური ნაწილის, ტოპოგეგმის დენდროლოგიური პროექტის, სატრანსპორტო სქემებისა და არქიტექტურული ნაწილის შეთანხმება.

ეს ყველაზე შემოქმედებითი და ტექნიკური ნაწილია. აქ წარსადგენია:

არქიტექტურული პროექტი (ფასადები, გეგმები, ჭრილები);

ტოპოგრაფიული გეგმა;

გეოლოგიური კვლევა (გრუნტის მდგრადობის დასადგენად);

კონსტრუქციული ნახაზები.

III ეტაპი: მშენებლობის ნებართვის გაცემა

მას შემდეგ, რაც პროექტი შეთანხმებულია,საჭიროა მშენებლობის ნებართვის მოპოვება , რაც გაძლევთ უფლებას ოფიციალურად დაიწყოთ სამუშაოები ნაკვეთზე.

მშენებლობის ნებართვას კი სჭირდება შეთანხმებული პროექტის რეკვიზიტები მშენებლობის ორგანიზების პროექტი, სამშენებლო ბანერი და არსებული ფოტოსურათები.

3. რა დოკუმენტებია საჭირო პროცესის დასაწყებად?

სანამ არქიტექტურულ კომპანიას მიმართავთ, სასურველია გქონდეთ:

ამონაწერი საჯარო რეესტრიდან;

ნაკვეთის საკადასტრო გეგმა;

თქვენი ხედვა (რა ფართობის და სტილის სახლი გსურთ).

4. რატომ ჭიანურდება ნებართვის გაცემა?

ხშირად დამკვეთები თვეობით ელიან პასუხს ხარვეზების გამო. ძირითადი მიზეზებია:

შეუსაბამობა ქალაქმშენებლობის გეგმასთან (მაგ. გამწვანების კოეფიციენტის დარღვევა);

სხვადასხვა მერიას დაქვემდებარებულ სამსახურებში დამატებით პროექტის განხილვა როგორიცაა: გამწვანების სამსახური, ტრანპსორტის ურბანული განვითარების სააგენტო.

ტექნიკური ხარვეზები:

არაზუსტი ტოპოგრაფიული ან გეოლოგიური მონაცემები;

დაუბალანსებელი ფასადური გადაწყვეტილებები, რომლებიც არ ჯდება ქალაქის იერსახეში.

რატომ IDEARCH GROUP?

ჩვენი გუნდი გთავაზობთ სრულ მომსახურებას ერთ სივრცეში. ეს ნიშნავს, რომ თქვენ არ გიწევთ ცალკე არქიტექტორის, ცალკე გეოლოგისა და ცალკე იურისტის ძებნა.

ჩვენი უპირატესობა: ჩვენს პროექტებს აქვთ „ხარვეზების მინიმალური მაჩვენებელი“, რადგან პროექტირებისას ვითვალისწინებთ ყველა საკანონმდებლო ნიუანსს, რაც ნებართვის მიღების პროცესს 30%-ით აჩქარებს.

მზად ხართ დაიწყოთ მშენებლობა?

ნუ დახარჯავთ დროს ბიუროკრატიასთან ბრძოლაში. დაგვიტოვეთ საკონტაქტო ინფორმაცია და ჩვენი არქიტექტორი უფასოდ გადაამოწმებს თქვენი ნაკვეთის სამშენებლო პოტენციალს